Кері қайту

Прокальцитонинді сандық анықтау жаңа туған нәрестелерде инфекцияларды диагностикалауға арналған ақпараттылығы жоғары тест болып табылады

Нозокомиальды инфекциялар мен кеш сепсис жан сақтау және қарқынды терапияның (ЖҚТБ) неонатологиялық бөлімдері үшін осы бөлімдер пациенттерінің сырқаттануы мен өлімінің негізгі себептерінің бірі бола отырып, маңызды проблема болып табылады.

Әртүрлі зерттеулердің мәліметтеріне сәйкес аталған санаттағы пациенттердің сепсистерінің жиілігі 15%-дан 30%-ға дейін құрайды. Көптеген инфекциялардың жағдайларын коагулазанегативті стафилококктар тудырады.

Аурудың ерте кезеңінде спецификалық клиникалық симптомдар мен биологиялық маркерлердің жоқтығынан бұндай инфекцияларды уақтылы диагностикалау қиындық тудырады. Нәтижесінде инфекцияның болуына кішкене күдік болғанда, жаңа туған нәрестелерге бірқатар жағдайларда негізсіз болып табылатын кең спектрлі антибактериалдық дәрілік заттар тағайындалады. Аталған санаттағы пациенттердің антибиотиктерді мөлшерден тыс қолдануын жоққа шығару үшін пациентте инфекцияның барлығын жоғары ықтималдықпен жоққа шығаруға мүмкіндік беретін, теріс нәтижесінің жоғары прогностикалық құндылығы бар диагностика әдісі қажет.

Прокальцитонин (PCT) C-реактивті ақуызға қарағанда бактериалдық инфекцияның анағұрлым спецификалық маркері болып табылатыны белгілі. Сондықтан PCT деңгейінің динамикасын бақылау нозокомиальды инфекция болу ықтималдығын және жүргізіліп отырған терапияның нәтижелілігін бағалаудың қосымша ақпараттылығы жоғары әдісі ретінде қызмет етуі мүмкін.

A. Jacquot жетекшілігімен Лион (Франция) зерттеушілері клиникалық мәліметтер негізінде инфекцияның барлығына сезіктеніп жаңа туған нәрестелер, неонатологиялық ЖҚТБ жатқызылғандар арасында проспективті зерттеу жүргізді. Барлық балалардың СРА деңгейін анықтаумен бірге, PCT анықтау бойынша жылдам сандық тест орындалды. 2005 жылдың маусымы мен 2006 жылдың мамыр айы кезеңі бойынша зерттеуге орташа гестационды жасы 28 апта (26 аптадан 30 аптаға дейін) және туылған кездегі денесінің орташа массасы 995 г (720-1350 г) 73 жаңа туған нәресте қатысты. Зерттеуге дамуында ауыр ауытқушылықтары бар, некротикалық энтероколиті бар нәрестелер; хирургиялық емдеу қажет пациенттер; антибиотиктер қабылдаған балалар қатысқан жоқ.

Жалпы алғанда инфекция 30 балада (41%), олардың ішінде 26 балада (87 %) септицемия болғаны көрсетілді, 3 балада (10 %) - менингит және 1 балада (3 %) - пневмония анықталды.

Коагулазанегативті стафилококктар 19 жағдайда (63%) кеш сепсисті тудырды, септицемияның басқа қоздырғыштары Staphylococcus aureus, B тобының стрептококктары, Escherichia coli және Pseudomonas aeruginosa болды. PCT деңгейі инфекциясыз туған нәрестелердің тобына - 0,4 нг/мл (0,3-тен 1,1 нг/мл дейін, р=0,0084) қарағанда, инфекциясы расталған балалардың тобында анық жоғары болды - 2,3 нг/мл (диапазоны 1-ден 7,8 нг/мл дейін).

Аталған санаттағы пациенттердің PCT-і қалыпты және патологиялық мәндерінің оңтайлы бөліну нүктесі ретінде 100 % теріс нәтижесінің прогностикалық құндылығы мен 100 % сезімталдығымен сипатталатын 0,6 нг/мл көрсеткішін пайдалану ұсынылды; аталған бөліну нүктесі бойынша оң нәтиженің спецификалылығы мен прогностикалық құндылығы сәйкесінше 65% және 67% құрады.

Зерттеуде қол жеткізілген нәтижелер прокальцитонинге сандық тест мерзіміне жетіп туылған нәрестелер мен күні жетпей туылған нәрестелерде, неонатологиялық ЖСҚТ жатқызылған науқастарда нозокомиальды инфекцияны анықтау мен жоққа шығаруға арналған қосымша әдіс ретінде ақпараттылығы жоғары екенін көрсетеді.

Jacquot A., Labaune J.M., Baum T.P., Putet G., Picaud JC.

Rapid quantitative procalcitonin measurement to diagnose nosocomial infections in newborn infants.

Archives of Disease in Childhood — Fetal and Neonatal Edition 2009; 94: F345-F348.