Магнийдің адам ағзасындағы рөлі
Магний-біздің ағзамызға қажетті химиялық элементтердің бірі, ол үш жүз елуден астам ферментативті реакцияларға белсенді қатысады.
Магнийдің адам денсаулығы үшін рөлін асыра бағалау қиын, өйткені ол адам ағзасының барлық тіндері мен жасушаларының құрамдас бөлігі болып табылады.
Магний ағзаның төмендегідей өмірлік үдерістеріне қатысады:
- жаңа жасушалардың пайда болуы;
- жүрек-тамыр жүйесінің жұмысы (магний тіпті "жүрек минералы" деп аталады);
- жүйке жүйесін нығайту;
- мидың жұмысы;
- ас қорыту;
- бүйректің сау жұмысы;
- дұрыс энергия алмасу;
- сүйектер мен тістерді қалыптастыру және нығайту;
- бұлшықет тонусы және жұмысы.
Сондай-ақ, магний В тобының дәрумендері мен С дәрумендерінің сіңірілуін тездетеді, кальцийдің қалыпты деңгейін қамтамасыз етеді.
Бұл минералдың ағзаға қажеттілігін түсіну үшін магнийдің жетіспеушілігі неге әкеліп соғатынын көру жеткілікті. Міне, адам ағзасындағы магний жетіспеушілігімен байланысты негізгі аурулардың тізімі:
- депрессия, мазасыздықтың күшеюуі, тез шаршау, физикалық және психологиялық шаршау, ұйқысыздық;
- бас сүйек ішіндегі және күретамырлық қан қысымындағы теріс өзгерістер;
- жүрек-қан-тамыр жүйесі ауруларының пайда болуы;
- асқазанның қатты ауыруы, сұйық нәжіс;
- өздігінен бас айналу, көз алдында "шіркейлердің" пайда болуы;
- зейіннің бұзылуы, есте сақтау проблемалары;
- бұлшықет түйілуі, құрысулар, аяқ-қолдардың жансыздануы;
- тұрақты түрде бастың ауруы, бас сақинасы (мигрень);
- метеорологиялық тәуелділіктің пайда болуы;
- тіс тіндерінің бұзылуы, тісжегі, тістердің түсуі;
- шаштың сынғыштығы және түсуі.
Магний біздің ағзамызға өте қажет, сондықтан бұл элемент неғұрлым көп болса, соғұрлым жақсы болады деген алдамшы пікір пайда болады. Алайда, бұл мүлдем олай емес. Магнийдің артықшылығы да, жетіспеушілігі сияқты қауіпті. Әдетте, магнийдің артық мөлшерленуі құрамында магний бар препараттарды дұрыс емес және шамадан тыс қабылдаған жағдайда пайда болады. Магнийдің артық мөлшерін анықтау өте қиын, ол тек медициналық мекемелерде тексерулер мен рентген көмегімен жүзеге асырылады. Алайда, мөлешерінен көп магнийдің байқалатын белгілері: тұрақты жүрек айну, іш өту, летаргия, жүрек ырғағының бұзылуы.
Магнийдің тәуліктік дозасы:
20-40 жастағы ер адамдар үшін - 400 мг, 40 жастан кейін - 420 мг.
20-50 жастағы әйелдер үшін - 300 мг, 50 жастан кейін - 280 мг.
Бұл жалпы нұсқаулар, алайда әрбір нақты ағзаның магнийге деген қажеттілігі әртүрлі. Осылайша, спортшылар, емізетін әйелдер мен жасөспірімдердің магнийге қажеттілігі артады.
Адам магнийді су және тамақ, сондай-ақ тұзб және кейбір минералды сулар арқылы алады. Жаңғақтар (бадам, жержаңғақ), күнжіт, күнбағыс тұқымдары, бұршақ дақылдары (бұршақ, жасымық), жарма (қарақұмық, сұлы, тары, арпа), банан, асқабақ, кебек және какао магнийге бай. Сонымен қатар, магний теңіз қырыққабатында, теңіз балықтарында, кальмарда, жұмыртқада, көкте, цитрус жемістерінде және жаңа сауылған сүт өнімдерінде кездеседі.
Әрине, ағзаға магнийді қабылдаудың тиімді жолы - үйлесімді дұрыс тамақтану. Алайда, кейбір ауруларда магний нашар сіңірілуі мүмкін, бұл оның тапшылығына әкеледі. Осыған байланысты дәрігерлер құрамында магнийі бар арнайы препараттарды тағайындайды. Бұл дәрі-дәрмектер сатып алушыларға қол жетімді, бірақ өзін-өзі емдеумен айналыспаған жөн.
Магнийдің қандағы құрамын "ОЛИМП" КДЗ желісінің кез-келген емдеу кабинетінде тексеруге болады
Негізгі белгілер (Tag):
магний магний тапшылығы жүрек минералы