Жаңалық! CA 50 онкомаркерін анықтауға арналған талдау
Сіздерге «ОЛИМП» КДЗ-да «Қан сарысуындағы CA 50 онкомаркерін иммунохемилюминесценттік талдау әдісімен анықтау» зерттеуі қолжетімді екенін хабарлаймыз.
CA 50 дегеніміз не ?
CA 50 - ісікпен байланысты маркер. Оның деңгейі асқазан-ішек жолының, әсіресе ұйқы безінің қатерлі жаңа түзілімдері кезінде, сондай-ақ асқазан, тоқ ішек және өт шығару жолдарының кейбір ісіктерінде жоғарылауы мүмкін.
Зерттеу аурудың ағымын бағалау, емнің тиімділігін бақылау және пациенттерді динамикалық бақылау үшін басқа зертханалық және аспаптық әдістермен кешенді түрде қолданылады.
Бұл талдауды қашан тапсырған жөн ?
- Ұйқы безінің жаңа түзілімдеріне күдік болғанда.
- Асқазан және ішек ісіктеріне күдік болғанда.
- Ісікке қарсы емнің тиімділігін бақылау кезінде.
- Хирургиялық емнен кейін аурудың ағымын бақылау үшін.
- АІЖ онкологиялық аурулары бар пациенттерді динамикалық бақылау кезінде.
- Ас қорыту жүйесі ағзаларында көлемді түзілімдер анықталған кезде қосымша тексеру ретінде.
Маңызды
CA 50 деңгейінің жоғарылауы онкологиялық ауру диагнозын қоюға негіз болып табылмайды. Нәтижелерді клиникалық көріністі, аспаптық зерттеулердің деректерін және басқа зертханалық көрсеткіштерді ескере отырып, дәрігер түсіндіруі тиіс.
Биоматериал: веналық қан.
Нәтиженің дайын болу мерзімі: 1 жұмыс күні.
Зерттеуге дайындық талаптары
- Қанды аш қарынға (соңғы тамақтан кейін кемінде 8 сағат өткен соң) тапсыру ұсынылады.
- Газдалмаған суды ішуге болады.
- Зерттеуге дейін бір тәулік бойы шамадан тыс физикалық жүктемеден және алкоголь қабылдаудан бас тарту ұсынылады.
- Зерттеуге дейін 1-2 сағат бұрын темекі шегуден бас тарту ұсынылады.
- Мүмкіндігінше талдау тапсырар алдында эмоционалдық күйзелістен аулақ болған жөн.
Зерттеу кімдер үшін өзекті ?
- Онколог дәрігерлер үшін.
- Гастроэнтерологтар үшін.
- Хирургтар үшін.
- Терапевтер үшін.
- АІЖ онкологиялық аурулары расталған пациенттер үшін.
- Ас қорыту жүйесі ағзаларының ісіктері бойынша қауіп тобындағы пациенттер үшін.
Талдауды «ОЛИМП» КДЗ-ның барлық процедуралық кабинеттерінде тапсыруға болады.
«ОЛИМП» КДЗ - денсаулық жағдайын уақтылы бақылауға арналған заманауи зертханалық диагностика мүмкіндіктері.