Науқандар тізіміне
Мамыр айының акциясы! 2026 жылғы 1–31 мамыр аралығында «Диета кезінде» профилі
Салмақты бақылау шектеуден емес, ағзаны түсінуден басталады.
Профиль құрамына кіреді:
- Лептин
- Аланинаминотрансфераза (АЛТ)
- Аспартатаминотрансфераза (АСТ)
- Сілтілі фосфатаза (СФ)
- Гаммаглутамилтрансфераза (ГГТП)
- Жалпы ақуыз
- Альбумин
- Жалпы билирубин
- Тікелей билирубин
- Инсулин
- Гликозилденген гемоглобин
- Триглицеридтер
- Жалпы холестерин
- ТТГ (тиреотропты гормон)
- Пролактин
- Эстрадиол
- Тестостерон
- Ферритин
- Креатинин
- Жалпы қан талдауы (ЭШЖ-сыз)
- Кортизол
- Зәр қышқылы
- Витамин B12
- 25-OH витамин D
Жеке бағасы: 75 720 тг
Акция бойынша бағасы: 53 000 тг
Мобильді қосымшадағы промокод арқылы қосымша 5% жеңілдікпен: 50 350 тг
Промокодты пайдалану жолы:
- App Store немесе Google Play-ден ОЛИМП КДЗ қосымшасын жүктеңіз
- Тіркеліңіз немесе жүйеге кіріңіз
- «Профиль» бөліміне өтіңіз
- Промокодты тіркеушіге көрсетіңіз
- Промокод ОЛИМП КДЗ қосымшасында авторизациядан өткен пайдаланушыларға автоматты түрде көрсетіледі
Сіз тамақтануыңызды бақылап, тәттіні азайтуға тырысып, калория санап немесе кейде диета ұстайсыз, бірақ салмақ өзгермейді ме, энергия азайды ма, ісінулер немесе тұрақты шаршау бар ма?
Мәселе әрдайым тағам мөлшерінде емес.
Ағзаның жағдайына зат алмасу, гормондық фон, витаминдер мен микроэлементтер деңгейі, стресске реакция, бауыр жұмысы және көзбен анықтау мүмкін емес басқа да ішкі процестер әсер етеді.
Лептин
Лептин - май тінінде түзілетін гормон. Ол тәбетті, тоқтық сезімін және зат алмасуды реттеуге қатысады.
Әсер етеді:
- аштық және тоқтық сезіміне
- тәбетті бақылауға
- зат алмасуға
- ағзаның энергия шығынына
- салмақ қосу және азайту процестеріне
Лептин теңгерімі бұзылған кезде ағза тоқтық сигналдарын дұрыс қабылдамауы мүмкін. Соның нәтижесінде:
- үнемі аштық сезімі
- тәттіге және тіскебасарларға құмарлық
- салмақ түсірудің қиындауы пайда болуы мүмкін
АЛТ, АСТ
Бұл - ағза жасушаларының, әсіресе бауыр мен бұлшықет тіндерінің жағдайын көрсететін ферменттер. Олар жасушалардың ішінде болады және қалыпты жағдайда қанға өте аз мөлшерде түседі.
АЛТ және АСТ нені көрсетеді:
- ағзадағы зат алмасу процестерінің жағдайын
- бауырдың тамақтануға, жүктемеге және диеталық шектеулерге реакциясын
- дәрумендер мен микроэлементтердің тапшылығы немесе артық жүктеменің ықпалын
- диета және салмақ азайту кезеңіндегі ағзаның жалпы «жүктелуін»
Сілтілі фосфатаза
Ағзаның әртүрлі тіндерінде, әсіресе бауырда, өт шығару жолдарында және сүйек тінінде болатын фермент.
Ол зат алмасу процестеріне қатысады және заттарды өңдеу мен шығаруға жауапты жүйелердің қалай жұмыс істейтінін көрсетеді.
СФ нені көрсетеді:
- бауыр мен өт шығару жүйесінің жағдайын
- сүйек тініндегі зат алмасу белсенділігін
- ағзаның тамақтануға, жүктемеге және салмақ өзгерістеріне реакциясын
- ішкі жүйелердің жалпы «жүктелуін» (теңгерім бұзылған кезде)
ГГТП
ГГТП - бауыр, өт жолдары, ұйқы безі және басқа да тіндер жасушаларында болатын фермент.
ГГТП нені көрсетеді:
- бауыр мен өт шығару жүйесінің жағдайын
- бауырдың жүктемелерге және сыртқы факторларға сезімталдығын
- тамақтану өзгерген кездегі зат алмасу ерекшеліктерін
Жалпы ақуыз, альбумин
Жалпы ақуыз - қандағы барлық ақуыздардың жиынтық көрсеткіші.
Альбумин - бауырда түзілетін негізгі қан ақуызы. Ол ағзаның тұрақты жағдайын сақтауда және әртүрлі заттарды тасымалдауда маңызды рөл атқарады.
Жалпы ақуыз нені көрсетеді:
- ақуыз алмасуының жалпы деңгейін
- тамақтанудың жеткіліктілігін
- ағзадағы зат алмасу процестерінің жағдайын
- бауыр, бүйрек және ас қорыту жүйесінің жұмысын кешенді түрде
Альбуминнің негізгі қызметтері:
- ағзадағы сұйықтық тепе-теңдігін сақтау
- гормондарды, дәрумендерді және қоректік заттарды тасымалдау
- зат алмасуға қатысу
- бауырдағы ақуыз синтезін көрсету
Жалпы және тікелей билирубин
Билирубин - гемоглобиннің табиғи ыдырауы кезінде түзілетін өт пигменті. Ол бауырда өңделіп, өт арқылы ағзадан шығарылады.
Жалпы билирубин - қандағы барлық билирубин фракцияларының (тікелей және жанама) жиынтығы.
Нені көрсетеді:
- билирубин алмасуының жалпы деңгейін
- өт пигментінің түзілуі мен шығарылуы арасындағы тепе-теңдікті
- зат алмасу процестеріне түсетін жалпы жүктемені
Тікелей билирубин - бауырда өңделген, ағзадан шығаруға дайын түрі.
Нені көрсетеді:
- бауырдың билирубинді өңдеу қабілетін
- өт шығару жүйесінің жұмысын
- өттің ағуының бұзылуын
Инсулин
Инсулин - ұйқы безінде түзілетін гормон. Ол көмірсу алмасуын және энергия теңгерімін реттеуде маңызды рөл атқарады.
Негізгі қызметтері:
- қандағы қант деңгейін реттеу
- глюкозаның жасушаларға енуіне көмектесу
- май және көмірсу алмасуына қатысу
- энергияның жиналуы мен жұмсалуын реттеу
- ағзаның жалпы метаболикалық тепе-теңдігін сақтау
Гликозилденген гемоглобин
Бұл көрсеткіш қандағы глюкозаның ұзақ уақыттағы (шамамен 2–3 ай) орташа деңгейін көрсетеді.
HbA1c нені көрсетеді:
- соңғы 2-3 айдағы орташа қант деңгейін
- көмірсу алмасуының тұрақтылығын
- ағзаның глюкозаны қаншалықты тиімді пайдаланатынын
- жалпы метаболикалық тепе-теңдікті
Триглицеридтер
Қанда айналатын және дене үшін маңызды энергия көзі ретінде қызмет ететін майлардың (липидтердің) негізгі түрі.
Нені көрсетеді:
- май алмасу деңгейін
- ағзаның энергияны қалай өңдеп, сақтайтынын
- калория қабылдау мен шығын арасындағы тепе-теңдікті
- липид алмасуының жалпы жағдайын
Жалпы холестерин
Ағзадағы барлық жасушаларда болатын және олардың қалыпты жұмыс істеуі үшін қажет майтәрізді зат.
Жоғарылауы байланысты болуы мүмкін:
- липид алмасуының бұзылуымен
- тамақтану және өмір салты ерекшеліктерімен
- бауыр қызметіндегі өзгерістермен
ТТГ
Гипофизде түзілетін және қалқанша бездің жұмысын реттейтін гормон.
Ол зат алмасуға және ағзаның жалпы жағдайына әсер ететін Т3 және Т4 гормондарының бөлінуін бақылайды.
ТТГ мен қалқанша без гормондарының арасындағы байланыс кері болады:
- Т3 және Т4 төмендесе - ТТГ жоғарылайды
- Т3 және Т4 жоғарыласа - ТТГ төмендейді
Пролактин
Гипофизде түзілетін гормон, ол репродуктивтік жүйе мен зат алмасуды реттеуге қатысады.
Негізгі қызметтері:
- гормондық тепе-теңдікті реттеу
- репродуктивтік жүйеге әсер ету
- зат алмасу мен су-тұз теңгеріміне қатысу
- стресске бейімделуге қатысу
Эстрадиол
Эстрогендер тобына жататын негізгі және ең белсенді әйел жыныс гормоны. Ол негізінен аналық бездерде түзіледі және гормондық тепе-теңдікті қалыптастыруда әрі ағзадағы көптеген процестерді реттеуде маңызды рөл атқарады.
Эстрадиолдың негізгі қызметтері:
- гормондық тепе-теңдікті сақтау
- етеккір циклі мен репродуктивтік функцияны реттеу
- зат алмасуға әсер ету (май және сүйек тіндері)
- жүрек-қантамыр жүйесіне әсер ету
- жалпы көңіл-күй мен энергия деңгейіне ықпал ету
Тестостерон
Андрогендер тобына жататын негізгі жыныс гормоны. Көбінесе жыныс бездерінде түзіледі.
Негізгі қызметтері:
- жыныстық даму мен репродуктивтік функцияны реттеу
- бұлшықет массасы мен күшіне әсер ету
- май және көмірсу алмасуына қатысу
- энергия мен төзімділікті сақтау
- жалпы физикалық белсенділік пен жағдайға әсер ету
Ферритин
Ферритин - ағзадағы темірдің негізгі «қоймасы» болып табылатын ақуыз.
Ферритин нені көрсетеді:
- ағзадағы темір қорының деңгейін
- тіндердің оттегі және энергиямен қамтамасыз етілуін
- ағзаның қалпына келу және жүктемелерге төтеп беру қабілетін
- гемоглобин қалыпты болса да, темір тапшылығының ерте белгілерін
Креатинин
Креатинин - бұлшықеттердің жұмысы барысында түзілетін және қанға тұрақты түрде түсетін зат алмасудың соңғы өнімі.
Креатинин нені көрсетеді:
- бүйрек қызметінің жағдайын және қанның сүзілу жылдамдығын
- бұлшықет алмасуының қарқындылығын
- зат алмасу өнімдерінің түзілуі мен шығарылуы арасындағы тепе-теңдікті
- ағзаның шығару жүйесіне түсетін жалпы жүктемені
Кортизол
Кортизол - бүйрек үсті бездерінде түзілетін гормон. Ол ағзаның стресс жағдайларына реакциясында маңызды рөл атқарады және жиі «стресс гормоны» деп аталады.
Кортизолдың негізгі қызметтері:
- ағзаның стресс жағдайларына реакциясын реттеу
- көмірсулар, майлар және ақуыздар алмасуына қатысу
- күш түскен кезеңдерде ағзаны қосымша энергиямен қамтамасыз ету
- қандағы глюкоза деңгейіне әсер ету
- иммундық және қабыну процестерін реттеуге қатысу
Несеп қышқылы
Несеп қышқылы - пуриндердің ыдырауынан түзілетін соңғы өнім.
Несеп қышқылы нені көрсетеді:
- ағзадағы пурин алмасуының тепе-теңдігін
- бүйрек арқылы зат алмасу өнімдерінің шығарылу тиімділігін
- тамақтану мен рацион өзгерістеріне байланысты зат алмасуға түсетін жүктемені
- жалпы метаболикалық процестердің жағдайын
Витамин В12
Витамин B12 - суда еритін витамин, ол қан түзілу, жүйке жүйесінің жұмысы және зат алмасу үшін қажет.
Витамин B12-нің негізгі қызметтері:
- эритроциттердің түзілуі мен жетілуіне қатысу
- жүйке жүйесінің қалыпты жұмысын қамтамасыз ету
- ДНҚ синтезіне және аминқышқылдарының алмасуына қатысу
- энергия алмасуына әсер ету
Витамин D
Витамин D - майда еритін витамин, ол кальций мен фосфор алмасуын реттеуде маңызды рөл атқарады, сондай-ақ иммундық, сүйек және бұлшықет жүйелерінің жұмысына әсер етеді.
Ол ағзаға тағам арқылы түседі және күн сәулесінің әсерінен теріде синтезделуі мүмкін.
Витамин D нені көрсетеді:
- ағзаның витамин D-мен қамтамасыз етілу деңгейін
- кальций және фосфор алмасуының жағдайын
- сүйектер мен бұлшықеттердің саулығын сақтау қабілетін