Банан, f92
Банан өсімдігінің жемістерін барлығы біледі, құрамында көп мөлшерде минералдар, антиоксиданттар, дәрумендер, төмен гликемиялық индексі бар көмірсулар мен жасұнық болғандықтан құнарлы азық көзі болып табылады. Бананды жаппай (шикі немесе дайындалған күйінде) тұтынудан басқа, оны басқа да мақсатта пайдаланады, мысалы өнделген азық-түліктерде хош иістендіргіш және косметика ингредиенті ретінде қолданады.
Халық арасында бананға аллергия болуы жалпы алғанда өте сирек болады, түрлі зерттеулердің қорытындысы бойынша бүкіл әлем бойынша ол 0,04%-тен 1,2% дейін құрайды. Алайда, осы уақытқа дейін нәрестелерде, сонымен қатар ересек адмадарда да бананға деген гиперсезімталдық көрсету болған оқиғалар санының өсуі хабарланады.
Азық ретінде жаңа піскен, шикі банандарды тұтыну аллергияның негізгі себебі, өйткені банан аллергендерінің көбісі қыздыруға сезімтал болып келеді. Бананға деген аллергияның клиникалық көріністері оральды аллергия синдромы (ОАС) деп аталатын жергілікті жеңіл белгілерден ауыр анафилаксиялық шокқа дейін болуы мүмкін.
Сонымен қатар, бананның латекспен, тозаңмен (олива, қайын, пальма, ойраншөп және орман жаңғағы) және жемістермен (қауын, шабдалы, киви, авокадо және ананас) кеңінен айқас әсер етуі байқалады. Бұл бананға деген оральды аллергия белгілері (қышыма, ауыздың және тамақтың ісінуі) секілді аллергиялық әсердің дамуына әкелуі мүмкін.
F92 бананға адамның қанында ерекше IgE анықтау - осы аллергенге ағзаның әсерін көрсетеді. Зерттеу әдісі: ImmunoCAP әдісі (Қатты фазада иммунофлюоресценция өткізу) Өлшеу бірлігі: kU/l Зерттеуге алынатын биоматериал: көктамыр қаны