«Кардиоқауіп» толық профилi
Жүрек-қантамыр және метаболикалық тәуекелді бағалауға арналған зертханалық зерттеулер кешені. Пакет липидтік алмасуды, липопротеиндердің атерогендік әлеуетін, созылмалы төмен қарқынды қабынудың болуын, көмірсу алмасуын және жүрекке түсетін жүктеменің жоғарылағанын көрсететін зертханалық белгілерді бір уақытта бағалауға мүмкіндік береді.
Зерттеуді атеросклероздық жүрек-қантамыр ауруларының, қант диабетінің және жүрек жеткіліксіздігінің даму қаупін бастапқы бағалау үшін, сондай-ақ қауіп факторлары анықталған пациенттерді динамикалық бақылау үшін қолдануға болады.
Пакет нені бағалайды ?
Триглицеридтер, жалпы холестерин, ЖТЛП және ТТЛП холестерині липидтік алмасудың негізгі көрсеткіштерін сипаттайды және атеросклероздың даму қаупін бағалау үшін қолданылады.
Аполипопротеин А1 - жоғары тығыздықтағы атерогендікке қарсы липопротеиндердің негізгі ақуызы, ал аполипопротеин В ықтимал атерогендік липопротеин бөлшектерінің санын көрсетеді.
ApoB анықтау жүрек-қантамыр қаупін қосымша бағалауға мүмкіндік береді, соның ішінде стандартты липидограмма атерогендік жүктемені толық көрсете алмайтын жағдайларда.
Гликирленген гемоглобин (HbA1c) шамамен соңғы 2-3 айдағы қандағы глюкозаның орташа деңгейін көрсетеді және көмірсу алмасуының бұзылыстарын диагностикалау және бақылау үшін қолданылады.
Жоғары сезімтал С-реактивті ақуыз (СРБ Кардио) жүрек-қантамыр қаупінің қосымша факторы ретінде қарастырылатын төмен қарқынды жүйелік қабынуды бағалауға мүмкіндік береді.
NT-proBNP - миокардқа түсетін гемодинамикалық жүктеменің биомаркері. Жүрек жеткіліксіздігін диагностикалау алгоритмінде және тиісті клиникалық симптомдары бар пациенттерді бағалау үшін қолданылады.
Атерогендік индекс липидтік профиль көрсеткіштері негізінде есептеледі және атерогендік және атерогендікке қарсы липидтердің арақатынасын сипаттайды.
Пакет құрамына кіреді:
- Триглицеридтер
- Жалпы холестерин
- ЖТЛП холестерині
- ТТЛП холестерині
- Аполипопротеин А1
- Аполипопротеин В
- Гликирленген гемоглобин (HbA1c)
- NT-proBNP
- Жоғары сезімтал С-реактивті ақуыз Кардио
- Атерогендік индекс